من ديوان الأ غاني
لماذا السُّم أحياني؟!
لسقراطة الشرق
سياده العزومي
عضو اتحاد الكتاب
قال أيه جي يعيده تاني
دنا قلبي داب من أحزاني
لا قلبي ح يرجع زي زمان
ولا الزمان ح يرجع تاني
كانت كفاية نظرة منك
أسهر فيها الليالي
أحكي ليها عني وعنك
عن حبك الغالي
كانت كفاية لمسة إيديك
تزيد نار شوقي ليك
همس شفايفك
نبص قلبك
يدوب روح الوجد فيك
شوف إزي قسوة قلبك
خلت الدنيا ماليها
طعم عندي
عايش فيها
ومش فيها
ومش بيدي
تمر الأيام
زي الأيام
وتعدي
شوف إزي قسوة قلبك
خلت قلبي
ينسى قلبي
ينسى حبك
ولو فات ف الخيال طيفك
أقُول ياريتني ما شوفتك
ولا يوم قابلتك
ولا عرفت الحب وعرفتك
شوف إزي قسوة قلبك
سرقت عمري مني
سرقت أحلامي وأمالي
ومعدتش لي حاجة تاني
ومعدتش فاكر قلبي
غير غدرك
وخيانة قلبك لقلب
عاش يحبك
شوف إزي قسوة قلبك
عملت إيه فيا
قاست القلب اللي حبك
أخدت النور من عينيا
شوف إزي قدرت أبعد
والاقي رحتي ف إل بعد عنك
شوف إزي قدرت أعيش
بعد ما كانت حياتي منك
قال إيه جي يعيده تاني
دنا قلبي داب من أحزاني
لا قلبي ح يرجع زي زمان
ولا الزمان ح يرجع تاني
مازلت أغني لكم
دمتم بخير أحبتي
سقراطة الشرق/ سياده
ليست هناك تعليقات:
إرسال تعليق