سيناء والراية كل كلمة في القصيـدة..محفــــــــــورة جواية تحكي جراحك ياسينا..وتحكي نوحي وبُكـايه فاكره لما قولتــــــــي..تعالى وبإيــدك الراية ------ والله جــــــــــــــيتك.. وكــانت الصحبه ويايا سمير وصومائيل وأمير..كانو قدامي وورايه جنود زي الاســــــــود .. كانوا جنبي ومعايه ------ عشانك دمهم ســال .. ولسان الحال له حكايه مـــش قادر أنساهم .. وبتعب فــــــي ذكراهم .......... وساعات أرتاح في بُكايه......... خيالـــــهم بيندهلي.. يشاغلني جـــوايه وبرايه اللــــي شايل مدفع.. واللي رافــــــــــــع رايه ----- الأمل في قلوبنا كان.. متشعـــــبط في نجمايه والكـــــــل لبى الندا.. ورافع للسما الــــــرايه ------ وسبناكي عـــروســـه ..وسط كوشه وسعــــاده محميــــات ونبـــاتات ..على كل لــون ومزايه وطيور عامله م الشجر.. بيوت العشق وعبايه وكنوز دهب ونحاس .. وماس في كل رملايه ---- يا شرم الشيـخ شطك.. خيــــــــــال ومــــرايه يا أرض الفيـــــروز .. فداكي روحــي ودمايه واشوف سانت كانت ..ع الجبــين معلقه الرايه فيها عيــــون موسى .. حكمة رب ووصــــايا وطورسيناء فيه بهاء.. السحر فـــي عصـــايه وعبيـــــــر هواكـــي.. طريق للعيـــله وهدايه --- سبناكي عروسه بطرحه .. وفرحه نازله دمعايه تروي جـــــزوع النخل .. وأمل الضيّ في زوايه فيــــــــها دم شهـــــــيد .. متغـــــــــــطي بشظايا قلـــــــــــــب أمه انفطر.. بينـــــــادي يا ضنــايه ------ إصحـي يازينة الملاح.. مهـــــرك دمّ وضحايا وعدوك ياما قــــــــتل.. أمل شبــــــاب وصبايا .......وصنع تعابين قلوبها حجر............ .......ناويــــه تقتــــــل قمــــــر ............ ....... فــــــــــــــي إيده وردايه ............. ناويه لضيّ العلم ... والألم يتكفنــــوا في رايه ........ يتكفنــــــوا فـــــي رايه ............