خواطر رجائية
حمال الهموم
ماشي أجر الهموم ,,ولا حد.سامعني
ظهري انحني يا ناس,,, والزمن معاندني
عايش كده وحيد, وانا بقول الاااه
وكل واحد بشوفني يقول ياولداه
حزام علي وسطي يسد عطشي وجوعي
الملم فتات الخبز،، والألم في ضلوعي
اكلي من الزبالة ولبسي علي قدي
والشارع هو بيتي وعزوتي وسندي
الدنيا حكمت عليا،، اكون كده مقهور
أولادي تركوني،، في دنيا عجيبة تدور
ماسك عصا في أيدي،، تسندني من الأوجاع
ورابط راسي بخرقة،،يمكن ينتهي الصداع
ليه كده يا دنيا تظلمي حالي
والفقير عندك غلبان وبيعاني
أنا كبير السن مش قادر أشيل نفسي
المرض هد كياني والحزن لمسني
الرحمة ضاعت يا اخي،، في دنيا غدارة
والقبرفاتح بابه يقول يا خسارة
يقول تعال بابويا هتشوف راحة أبدية
وتبعد عن همومك ونفسك تبقي مرضية
بقلمي رجاء عبد الرازق
ليست هناك تعليقات:
إرسال تعليق