عم شعبان ..

واحد غلبان من كثير ف هذا الآوان ..

يااااااا   دنيا ..

تعرفي نعمة الغلبان  ..

         إنه دايما شبعان ..

                  زى  عم شعبان  ..

إللي طول عمره ف حياته  قنوع ..

            طول ما النعمة ف إيده ما يجوع  ..

و لا يهمه الأكل  من أى  نوع ..

           ما تفرق  معاه  أبدا  إزاى مصنوع   ..

دايما شبعان و لا ميت من الجوع ..

          راضي ب حياته دايما ب الخشوع   ..

يااااااا   دنيا  ..

عم  شعبان ..

 ب يزرع  ورود حتى لو الأمل  ممنوع  ..

      ما يهمه وجود حتى لو عاش مخدوع  ..

أصل مفيش خلود   ما عاد  رجوع ..

     الدنيا  كلها ع بعضها   وهم  و دموع    ..

حتى  يا دنيا   ..

لو الضحكة منك  صفرة  ..

              ب  صفار  متصفر ب إصفرار  ..

 ف الأخر  كله  هيسكن ف  حفرة ..

            ب  حفار  متحفر   ب  إقتدار   ..

إوعي  ..

تفتكري  هتهزميه ..

              أو  تحاولي تجرحيه ..

طول ما هو  محافظ ..

             ع النعمة و حافظ ..

إن الرزق من عند الحافظ ..

            هيعيش دايما عليه محافظ  ..

رب الخلق الرحمن  ..

دايما مع  ..

الغلبان ..

    الشقيان ..

           التعبان ..

                 الإنسان ..

عايشين  ع  أرض الأمان ..

يااااااا  دنيا  ..

الناس الغلابة ..

عمرك ما هتهلكيهم  ب الدمار  .. 

        عمرك   ما  هتحرقيهم  ب النار   ..

عمرك  ما   هتلويهم ب إنهيار     ..

       عمرك   ما  هتكسريهم ب إنكسار   ..

                       

يا  أراضي   الدنيا ..

كفاية بقا دم ..

    خلينا نعيش ..

         من غير  غم ..

             و  ناكل عيش ..

                  من  غير سم  ..

 القتل  و الخراب  يبقى  مفيش ..

     و  حلاوة السلام تعم و نعيش  ..

يااااااا  دنيا  ..

ف كتير  زى عم شعبان الغلبان  ..

مش طمعانين  ..

    دايما شبعانين  ..

        مش جاعنين   ..

 ب القناعة عايشين    ..

   ب الحب  متواجدين  ..

      ب  الطيبة طاهرين    ..

         ب النقاء  صافيين     ..

             ب البهاء  منوريين     ..

                ب الأخاء بني آدمين   ..

يااااااا  دنيا  .. 

خلي بالك منهم ف دوران السنين  ..

   دول ناس ريحتهم  زى الياسمين  ..

        ب طينة الطيبة كلهم مخلوقين   ..

            مش عايزين غير يعيشوا مكرمين ..

هذيان قلم : 

: محفوظ البراموني :