البخت مال
يابوالعيال البخت مال
وأخدت ايه من دنيتك
غير الهموم توزن جبال
بحمولها تكسر ضلعتك
في الليل تقوم تبكي الجراح
والصرخه تجرح معدتك
شيال هموم توزن جبال
سهران يا عيني في وحدتك
وبقيت عليل محتاج طبيب
يمسح يداوي في دمعتك
جواك أنين محتاج حنين
من ايد تقيدلك شمعتك
أوحد يمكن حس بيك
كان حلمه ترجع ضحكتك
ويشوف جمال الضحكه فيك
ترجع تنور سكتك
صعبان عليا يابوالعيال
يا اللي انت تاهت خطوتك
من القلب راح حلم الزمان
حالف يغير خلقتك
والعين ماليها دموع عذاب
من الحزن تسرق فرحتك
أبكي يا قلب عليه ونوح
وأصرخ وقطع هدمتك
قول الولد أخده الزمان
ليست هناك تعليقات:
إرسال تعليق