من جبال الصبر (بلال بن رباح) جبال الصبر مش صخور ولاحجاره جبال الصبر رجال فى الصبرجباره أبطال وأسود كسرو سدود نصرو الإسلام ورفعو رايته فى كل الوجود ببطوله وجساره جبال الصبر مش صخور ولاحجاره 🐎🐎🐎 جبال الصبر هيّا أقوى جبال جبال الصبر مايهزهاش زلزال جبال الصبر تتحمل الأهوال ولما نقول جبال لازم نقول بلال كان عز للإسلام ودايما فى الصداره جبال الصبر مش صخور ولاحجاره 🐎🐎🐎 قبل ظهور الإسلام كانت الدنيا ظلام والناس كانت بتعبد من جهلها أصنام لا تقول ولاتسمع لا تضر ولا تنفع فيها إهانه وحقاره جبال الصبر مش صخور ولاحجاره 🐎🐎🐎 لما ظهر الرسول وبدأ للناس يقول عن دين كله عداله ودين رحمه وقبول أسلم بلال وآمن بالله وبالرسول لأنه كان عطشان لدين رحمه واحسان يحررالإنسان ويقضى ع الفساد والظلم والطغيان ويخلى الناس جميعا فى الدنيادى سيان العبد زى السيد والفضل يبقى بس فى التقوى والإيمان والنخوة والطهارة جبال الصبر مش صخور ولا حجاره 🐎🐎🐎 لما الخبر فى الحال وصل أهل الضلال أوام راحو لبلال جابوه وقيدوه بالسوط كتير جلدوه وفضلويجوعوه وكمان يعطشوه ولا قدرو يغيروه أصل إيمانه بالله صبح فى قلبه مناره جبال الصبر مش صخور ولا حجاره 🐎🐎🐎 فى عز حر النهار حطو الصخور على صدره ياما انكوى بالنار علشان يغير أمره أويذكر الأصنام مره بكلمة خير أويكفر بالله ورسوله طه الهادى البشير أويذكر الإسلام مره بكلمة سوء ولا مره نطق لسانه حرف يبدل إيمانه لوكان جبل مكانه كان داب من المراره جبال الصبر مش صخور ولا حجاره 🐎🐎🐎 عشان إيمانه أكيد بالله وبالرسول وكمان حبه الشديد للدين خلاه يقول ربى واحد أحد ربى فرض صمد وقلبى له سجد ولا فيه غيره إله فى الكون ده يتعبد ومهما تعذبونى ماهتقدرو تضلونى قلبى وروحى لله وأضحى بالجسد عمرى ما أعبد غيره واسجد فى يوم لحجاره جبال الصبر مش صخور ولاحجاره 🐎🐎🐎 اهو ده بلال العبد الأسمر المسكين اللى شاف من قريش عذاب أليم ومهين فى الصبر كان جبل شال فوق مايحتمل لدينه كان بطل يضربو به المثل وكفايه الناس تقول ده مؤذن الرسول نال الرضا والوصول فى الدين وفى الجهاد له فضل وله إشاره جبال الصبر مش صخورولا حجاره جبال الصبر أسود فى الصبر جباره (بلالية) شاعر الإحساس رضاعبدالحميد