[ ](https://www.facebook.com/profile.php?id=100035966482639#) أه يابنىى ..أه ياضنايا ! مهما بكيتك مش كفايا ! بدموعي غسلتك وزفيتك ! برموشى كفنتك وغطيتك ! وبلسانى أشهدت ربي أنى راضيه عنك ! ربي رضانى وقاللى من أجل أبنك جنتي مفتوحالك ! مش حأحاسبك ..مش حأعاتبك مسامحك خشى وياأبنك ! فرحت ..ذغردت ..رقصت ..قالوا مجنونه ..قالوا مخبوله ! قلتلهم أنا أم شهيد بكره وبأتجهز للتوب الجديد ! أه يابنى ..أه ياحبيبى ..أه ياضنايا ..! ربيتك بضيا عينى سنين وراها سنين ! وهديتك لأجل خواتك الغاليين ! أديتك دمي ..شربتك لبني ! دفيتك بجفونى ..خبيتك جوه جلدي ! قلبي ماأنشكش غير عليك ! عقلي ماأنشغل يوم غير بيك ! ومع كده لبلدك ولأجل خواتك يعيشوا بأهديك ! أه يابني ..أه ياحبيبي ..أه ياضنايا ..! أول فرحه ...كانت أنت ..! أول ضحكه علشانك أنت ! أول كلمه نطقتها كانت ماما ! أول دمعه ..أول شده من شعرى ..أي ..ماما ! شربيني ..أكليني ..أحضنيني ..دفيني فى حضنك ياماما ! نجحت ..أتخرجت ..أديت خدمتى فى جيش بلادى ! أنذليت ياما ..كسروني ياماما ..بأدور على شغل ..تعبت ..دوخت من التدوير ياماما ! مافيش قدامي إلا أشتغل دباح فراخ ياماما ...! الفراخ بتضحك علي ..خريج علوم .بدل ماأبقي عالم بقيت عامل فراخ ياماما ! الفراخ والديكه بيضحوا الأرانب بتستهزئ بي أحنا أحسن منك ! لاء مش حأبقى فرخه ولاأرنب يندبح أبدا ياماما ! خرجت من القفص لأنى لافرخه ولاأرنب ! نازل أجيب حقي ياما ما! حتى لو أندبحت مش حأخليهم يكلونى ياماما ! خواتي حيكملوا ويدبحوا الجزار ياما ما ! أوعي تزعلي علي أبدا ..ذغردى ..وأرقصي وقولي أبنى لافرخه ولاأرنب ودبح جزار بلادى ! مش حأقول أبدا أه يابنى ..ولا أه ياحبيبي ياضنايا ! حقول أبنى عايش فى فؤادى مامتشي اللى مات هو الظلم وجزاره ! الله عليك يابنى .الله عليك ياحبيبي ..الله عليك ياضنايا ! بقلمي العالم والمفكر : طارق رجب !