من مزيج القصص الشعبي وشعر الفصحى ((( عودة الغائب ))) ف الصباحية وانا رايحه أملى زلعة الميه شوفت ناس كتير رايحه وجايه سألت البت بدريه قولتلها ليه الزيطة ديه وايه اللي حصل ف الدنيا م الفجريه قالت ولد عم جبريل رجع أمبارح ف العشيه قولتها مين فيهم يا وكالة رويتر العالميه قالت سيدي جلال وبقى أيه حاجه تانية أيمه وسيما ولا ولاد البندر اللي خده البهويه سمعت أسمه ولفت الدنيا ف عينيه رجع اللي قتل عمري ودفني وانأ حيه ليه يا زمن ترجع الماضي وشوف مرار الدنيا مرة تانيه ليه كسيت صبا عمري بظلمة ليل خد الفرح ورمى الحزن عليا ومشيت والزلعة في أيدي فاضيه وبدل ما ملاها بالميه مليتها بدموع عينيه ندت عليا بدريه وقالت مالك يا بنتي لون وشك راح واتخطف زى اللي عملت ذنب ومستحيه بصتلها ومردتش ورجعت البيت وانأ مش عارفه ايه اللي جرى ليه ومع طول الليل خدني الفكر ووداني ولقيت نفسي بشكي للقمر حكاية كانت منتهيه ولاقتني بقول *********************** يا دابرا والرحل وسيل سلواك ............ ما سألتك الرحيل بل القلب دعاك سلوت عهدا كتبناه بوله الشوق ...........وتركت لقلبي أنين فاق حدود أساك ما كنت فيك راضية البعاد .......... فكيف تصمد نفسي على طول جفاك خانتني عواطف القلب وتمردت ............... وفيك الشك ما أودعته علة دناك وهبتك ما أوتيته م فتن الحسان .............. وليتك أدركت ذلك أو جهلت عماك ماذا بحيلتي أنا فاعله ............... غير سكب الماء على هشيم لظاك واريت عن الناس عربدة تلاقينا ............... ليدهم الزمان غمرتي بصفعة يداك ما بالقول يباح ذاع العار ...................... كفي لذنبي علقي بخواء مداك ****************************** من تاني يوم قلت لازم ألاقي حل لحكايتي معاه خدتني الخطاوي لبيت أبوه وسط الناس المبسوطة وياه سمعت صوته وضحكة صفرا ياما سمعتها لما كان يرمي شباكه ويرمي بلاه نديت عليه بأعلى صوتي وقلت اشهدوا يا ناس علي جايين تباركوا بلاوي أساه البيه اللي أودمكم بصورة ملاك وفاكر إن الدنيا شرياه هو دنائه وخسة ما يتحملها شيطان لو حب يتعلم ويمشي على هداه كان فاكر الزمن ناسي والدنيا لو أدت باليمين شمالها مش هيكشف معناه احكموا يا أهل الحكمة لو كان ذنبي قيراط تقول عل قراريط ذنوبه أيه ولا سكوته خلاكم تنسوا شرف الصبايا ملوش تمن عنده والضحية فداه دي حكايتي ولسه النهارده بدايتها يا حسره الدنيا عليا تشوفني تعزاني أصل اللي مات كلب وريحته لسه فضحاه ***************************** لا تجزمن بأن المشين فعلتي ............ فقلب الصبابة للهوى داعب مهجتي والذي فلق لي النوى وأخرجه ......... ليودعن في جب التياهة لبرءا حرمتي كفل الهجير عذابي وأوعد ............. ليكون راحم قلبي مع نسام شرفتي آهة تلوا الآهة ورفقة مذل ...................هما نديم يأسي وجراح صبابتي ف الأمس كان خلود هواي ............ واليوم أضحي غربة وضام فجيعتي ومن قلب امرأة زاف دمها عشقا ................ لأركل له سفح الجحود م غبرتي وليوافي القدر مشيئته متى شاء ................ وليبقي لي بقايا م شتات صورتي ف العشق من رصاص الغبن .......................... صائبه ما غفلت يوما دمعتي &&&&&&&&&&&&&&&&&&& يحيى نفادي سيد