لقيت نفسى على بابك انا اللى واقفه قدامك وفى عز ماالشوق ندانى لبيت انا وانت مكانك واقول للدنيا ماتمشى ومن فرقتك انا مانامشى ولو الكل باعونى انا على حبك ماندمشى ده حبى ليك ده هو حياه ومن بعدك حقول الاه ومين يسمع ندى قلبى ولايوصله حتى صداه تقول الكلمه واكملها واشوف بعينى وتسمعها حجات كتير بينى وبينك انا وانت اللى فاهمينها دى دقة قلبى فى قلبك ويوم ماتحكى عن حبك راح اسمع كل كلمه تقولها وقلبى بيحكى عن حبك يطول الليل وانا سهران وقلبى عاش وكان ندمان ويوم ماجيت تقولهالى نسيت القسوه والحرمان وقلت اعيش الدنيا يومين ليه احرم نفسى وضى العين تعالى وحلى لى دنياى وخلينى اعيشلى يومين ولا الفرحه عليا كتير وياما كنت للحزن اسير وعدى اليوم على قلبى خيالك انت خلى قلبى يطير ومش حندم على اللى فات ده رجع بيك ومن سكات وعوضت انا سنين عمرى بايام حلوه حعيشها معاك خلاص الدنيا صالحتنى وعليك انت دى عرفتنى وقالت ليا ماتتهنى ويالا عيشى الحياه ده انتى انا ماصدقت لقيتك وقلت لنفسى حبيبتك ياريتنى عرفتك الاول وكملت الهنا فى بيتك لكن خلاص ملحوقه انا اللى كنت مخنوقه ولما جيت فى ايامى حسيت انا ليك مخلوقه خلاص و عوضنى زمانى ولما رجعت من تانى حعيش الفرح كله معاك واصالح بيك ايامى يافرحه اوعى تسيبينى خلاص لقيت حبيب عينى واوعى تانى تقلبى وشك وترجعى تانى تخاصمينى انا ماصدقت لقيته والهنا خدنى لباب بيته وهو خلاص قلبه ندالى ياقلبى خلاص انا حبيته حكمل معاه انا عمري وكان هو فين من بدرى ده جه وخبط على بابى وقالى تعالى انتى عمري وانا قلبى خلاص راحله وصدق كمان وارتاح له وقلت طمنى ياقلبى قالى لاتخافى مافيش زيه ~~~~~~~~~~~~~~~ راوية حسن