*********** طير الشر *********** رِينَا شحرور * جَا يْزُور * و غصن زيتون ف يدو مَسْرى الحبيب قاصدو لَاقَاه عدو * مْعاه جندو * ف يدو بنادق واجدة قلْبُو زرزور * جا بزور * و جاسر ظالم أيّدو زاد اللقلاق ساندو عطاه و مدّو * سلاح عدّو * و زادو شلاّ مساعدة ^^^^^^^^^^ خدِيم الدّجال جاي بضلال يبدّل لحرام لحلال قناع بوجهو كي خيال عدّ العدّة من مدّة يبيع الاقصى بلا فصال ************ ************ اما الشحرور * لُو طيور * طارو خلُّوه بُوحدو شحال تباهو و مجّدو تركوه وحدو * بواب سدّو * عادو بنية فاسدة باشق الفجور * جاي مجرور * داير يدو مع عدو و غراب الشر قايدو عطاه و مدّو * موال عندو * من بيت مال سواعدة ^^^^^^^^^^ واش الأموال يا اهل الحال تصيب الرجال بهبال ؟ صدقت اقوال من قال : عند الشدّة و لابدّ يبانو الرجال من الرذال ************ ************ بحال المخمور * زِير للحور * ناسي حتى قواعدو راسو بالذل رافدو ما لبس قدّو * كيف ندّو * غربان عليه حاقدة ذا بوم الجور * حمام منشور * و فرخ الرّخ زايدو و كل شريف طاردو ظالم عدُّو * ما يردّو * عيون الحضّاي راصدة ^^^^^^^^^^ لي لو سؤال شاغل البال شحال من أرواح شال؟ وشحال مغلول في حبال؟ شمن عُدّة نهار غدّا تجيب و الدنيا في زوال ؟ ************ ************ يَمَن مقهور * بمرض و شرور * جوع و بارود عاقدو و سلاح الخزي راصدو اب و ولدو * معاه جدّو * ف الويل و بلا فايدة بشمن أمور * يوم الحشور * تردّو يا من عاهدو؟ خانو فيما واعدو غادي تحصدو * للنار صهدو * عنادل عليك شاهدة ^^^^^^^^^^ ما تفيد اموال يوم لهوال سما لا غيمة لا ظلال يا ويل من ذنوبو ثقال مولا نكدة منين يبدا و باب التوبة بقفال ****** يزيد علوي اسماعيلي ******