شو غير الاحوال.. --------------------------------------------------- الله خلق هالليل بنجوم وقمر وعتمات يسود الليل بغياب القمر كنا على لسطوح نحكي خراريف وحكايا والصبح بكير مع العجال نبعث البقر كنا نتسلى على قطين وزبيب ونقول الحمد لله الله ستر ع..مسند قش حلفه كنا نرتكي والبق بالحيطان ياما حبى وحفر كنا نزبل الطابون ما بعد الغياب والصبح بدري يكون احمى من الجمر ونخمر العجين..بعجينه للفجر ونوكل خبز طابون..مع علت اخضر وحليب ولبن من هالعنزات ومنقوش من الطابون بزعتر وجبنة بقر ما اطيب طعمها وصحن زيت وزيتون اسمر كان يا ما كان..شو غير الاحوال طلعت الكهربا والضو انور طلعت الكهربا وضوينا الشوارع ونعم الله..ما في شيء يذكر حتى الاخ عن اخيه اتفرق هرج ومرج ولسان ثرثر تركنا الارض بالشوك تعمر ونملي سلال مونه من المتجر سلكنا طريق الدجال..لعور والقتل والعنف ما بين الناس يكثر المصيبة غلطنا ما عاد يغفر وسلاح فتاك ..صار اخطر قال النبي ..لمسامح كريم لا تكبروا يا ناس..الله اكبر بقلم..الاعلامي..علي تيتي البعنه فلسطين.