الإسلام دين السلام (الإسلام دين السلام) تسقى الكلب تخش الجنه تحبس قطه تخش النار داكلام غالى ياناس له معنى علمهولنا طه المختار صلى على النبى ليل ونهار 💚❤💚 الإسلام مش دين إرهاب الإسلام دين رحمه وحب واللى يقول غير كده كداب أعمى بصيره واعمى القلب الإسلام مش دين إرهاب الإرهاب جاى من الغرب الإسلام دين خير وعمار صلى على النبى ليل ونهار 🎓🎓🎓 ياللى بتكتب ياللى بتقرأ الإسلام مابدأش بنار الإسلام فى بدايته كان إقرأ جبريل نزلبها ع المختار الإسلام دين لين وسماح تفهم قصده تعيش مرتاح وتطبقه فى الدنيا هتدخل جنه جميله مع الأبرار صلى على النبى ليل ونهار 🌻🌻🌻 بعقلك بص شمال ويمين وارجع معايا سنين وسنين وانتا تشوف نبع الإرهاب أصله وفصله وجاى منين مين اللى موت الملايين فى الحرب العالميه الأولى والحرب العالميه التانية اللى بقولو متحضرين والمسلمين متخلفين مين اللى دمر هيروشيما مين اللى دمر نكزاكى بأكبر قنبله نوويه حرقت متين ألف وعشرين (٢٢٠٠٠٠) غير اللى عاشو متشوهين فى أكبر مجزرة بشريه على وجه الكوره الأرضية تتعجب ليها الأنظار تتشتت فيها الأفكار دى ناس قلوبها من الأحجار صلى على النبى ليل ونهار 🐺🐺🐺 فى هزيمة سبعه وستين شارون وبيرز وبنيامين التلاته المجرمين دفنو جنودنا المصريين وهمّا فيهم الروح عايشين فين الرحمه يابنأدمين مين همّا الإرهابيين همّا وللا المسلمين دى قلوب ملانا سواد ونار عقلى من الصدمه هينهار صلى على النبى ليل ونهار 🇺🇸🇳🇮🇳🇮 واللى ف سوريا يبكى العين من بطش الروس الملاعين والشيعه الخونه الإيرانيين واللى بيحصل فى فلسطين وف بورما للمسلمين للقله المستضعفين مين اللى صنع تنظيم القاعدة وداعش المجرمين همّا دُول همّا الأشرار دى الحقيقة بدون انكار صلى على النبى ليل ونهار ✋✋✋ شوف أخلاق النبى فى الحرب ساعة ماكان بيصف الجيش وقول لكل جيوش الغرب الإسلام فى سماحته مافيش أمر الجيش لا يموت طفل ولا يقتل إمرأة ولاشيخ ولا يدخل صومعه على عابد ولا يهدم ولا يحرق دار ولا يِقطع زرع ولا أشجار صلى على النبى ليل ونهار 🇸🇦🇸🇦🇸🇦 ولما جِى يفتح مكه وهوّه فى عِزه وإنتصار وهوّه أقوى من الكفار قال لأهلها عيشو فى أمان ما تخافوش أنتم احرار مع ان همّا كتير ظلموه وياما ياما كتير حربوه فى طريقه وضعو الشوك والنار وتلات سنين فى حصار حبسوه لحد ماكال ورق الأشجار طول عمره كان أعظم إنسان بيعامل الظلم بإحسان الدنيا كانت قبله ظلام وبالإسلام صبحت أنوار صلى على النبى ليل ونهار 🕋🕋🕋 مين اللى وصى الجار ع الجار وصاه حتى لسابع جار مين اللى حافظ ع المرأة وقالنا رفقا بالقوارير مين اللى لبسها الحجاب عشان يحميها من كل حقير مين اللى جاب حقها فى الورث من النصب حماها وم التزوير مين اللى قال أمك أمك ثم أمك وعملها فضل وتقدير معقول (محمد)إرهابى أوحتى يبأه من الأشرار الإسلام دين الأخيار زرع المهاجرين والأنصار حِب الإسلام باستمرار خليك جوه الشوك أزهار المسلم مخلوق علشان حب وخير وصلاح وعمار ولا تسمحش لحد يقول الإسلام دين الإرهاب ده كلام صنعه حاقد فشار وصلى على النبى ليل ونهار (دفاع) شاعر الإحساس (رضا عبد الحميد)