ياريتنا ظلينا صغار .......................... ياريتنا ظلينا صغار وما اسمعنا ها الأخبار عن صفقة الذل والعار وعن بيع الأرض والدار ................................... فلسطين حرة بأحرارها مش للبيع ولا للايجار المجد والعزة قرارها والعرب باعوها بالدولار ولعبوا فيها على الحبلين في ورشة الخيانة في البحرين ضيعوا الأمانة ورقصوا عالجنبين ونسيوا مسرى الرسول و أولى القبلتين وكان أملنا يغيروا المسار وقلنا بنصبر مهما صار لكن باعوا الضمير وغيروا الأفكار وياريتنا ظلينا صغار وما اسمعنا هالاخبار .................................. ،غزة البطولة والصمود غزة العزة والاصرار رحنا وقفنا عالحدود وكان عشمنا بالانتصار وصممنا عابلادنا نعود بس مالنا حق بالاختيار واليهود نقضوا العهود والعرب باعوا الكرامة والرجولة والشهامة في زمن الانكسار وياريتنا ظلينا صغار وما اسمعنا هالاخبار ................................. أخذوا بيوتنا وأراضينا وحرقوا الشجر ودمروا الدار مفرقين والغربة بتكوينا والصغار صاروا كبار سكروا المعابر علينا وأعطوا الأجرة للسمسار والأقصى بنادينا : ابعدوا عني هالأشرار فضايح العرب بتكفينا عيشة الذل ياللعار ياللعار وياريتنا ظلينا صغار وما اسمعنا هالاخبار .......................... ليش ياامي تركتيني........... ابني استشهد وانت سبتيني ابني محمد نور عيني.......... طول عمره حباب .............. ماسك في ايده وردة وكتاب والقلب من بعده مصاب .... ضميت شوقي الحميم اله وسكرت الباب ياابني لاتخاف ولاتحسب حساب انت سكنت القلوب واللي مثلك إلنا ولكرامتنا أمجاد وفلسطين العزة إلها نياب على كل متآمر كذاب وليخسأ ترامب والمجد للابطال الثوار والعزة والكرامة للشهدا الأبرار وياريتنا ظلينا صغار وما اسمعنا هالاخبار ....................................... الشعب المسكين حاير وبالألم الدفين شاعر الأول قال للاخر بدنا وحدة عربية بالله عليكم يارجال الأحزاب تتناسوا الأحقاد الشخصية كل الشعب بيطالبكم والأقصى بحلفكم توحدوا كلمتكم وتصيروا شطَّار وتجوزوا هالشاب واتفرحوا الحجة واتسكتوا هالختيار وياريتنا ظلينا صغار وما اسمعنا هالاخبار ................................... بقلم هداية عياش