ربيع المهزله من ديوان / اللقيطة للشاعر / مصطفى فريد شربتوا كاس الاختلاف بفعل فاعل لاجل ما تعيشوا ضعاف عدوكم ما بقاش يخاف عيشكوا إللى كلتوه ياما حاف كشف اللحاف عن بطن شبعت اعتكاف والمسكنة ما عدتش لايقة ع الوشوش طول عمركم مفعول بكم والفعل مانع الاختلاف الكل خاف من ضلمة العقل الجهول فوق الكتاف من كام سنه ريحته طالحة مفحفحة مليان عفن والخوف على حيطان الوطن زرعوه بخبث فى دمكم الكل شاف أيام ربيع المهزله يوم ما ثار البعض منكم ثار عشان يصبح يادوب عنصر مضاف ساحف على رمل الضفاف بالعكازين وينط زى الضفدعه فارس وسيفه جعجعة لا ضد هو. ولا. مع. يادوب بقايا إمعة وسنين عجاف فتحت بيبان الصومعة لحاقد جبان يمين شمال فوق ارضكم ناهب الخير إللى بان فى بطنها من غير حقايق مقنعة مرة كذب وبمب نووي ومره غاز خردل ومدنى ومره حاوى بأقنعة وانتم فى وسط المعمعة تاهيييين خلاف بتقطعوا أوصال تاريخكم باحتراف