والزمن .. دوااار .. !!

ياللى ..
قتلتوا ولادنا ..
خدتوا ايه .. ؟!
غير العار !!
تركتوا إيه .. ؟!
غير كاس المرار !!
لحساب مين ..
شغالين ؟!
الليل ..
قبل النهار ..
ياحلف الفجار ..
يا عصبة الأشرار .. !!

اللى ماتوا دول ..
ولادنا
خيرة شبابنا ..
بيدافعوا ..
عن الديار
شباب النيل
سهران الليل ..
ف حضن الويل
لجل مصر أمنا ..
تعيش ف ازدهار .. !!
لجل شمس عزنا
تطلع .. الفجر ..
ف انبهار .. !!
ب 1000 نهار .. !!

لجل نقوم وننام ..
وننام .. ونقوم
لابسين ...
تاج العز ..
وتوب العمار
ف اخضرار .. !!
وهم .. دايما ..
ف حالة استنفار
زي الأسود الضوارى
مخاصمين النوم
كل يوم ...
فى عناد
والإيد ..
ع الزناد
تدمر الأخطار
تحمى الحمى ..
من كل عدو ..
غدار .. !!
لجل ورد الأمان ..
ف كل المداين
وكل الجناين
يفتح ..
ف ازدهار .. !!

ياللى خرجتوا ..
عن الدين ..
والوطن
ولبستوا ..
توب العفن
باقتدار .. !!
وقتلتوا ..
نفوس بريئة
بدم .. بارد
ف عز النهار .. !!
وشمتوا فينا ..
الأعادى
اللى رايح ..
واللي .. غادى
يا عصبة الأشرار

الدم اللى سال ..
فوق الرمال
ده .. دم أطهار .. !!
ريحته .. مسك
والشهيد دا أخوك
ف الوطن والدين
دمه ..
مش هيروح ..
هدر ..
ليوم الدين
والمنتقم فوق ...
جبار .. !!

بكرة ..
جاى النهاردة .. !!
وهناخد ..
ب 1000 تار
حتى لو .. كنتم ..
ف سابع أرض ..
أو سابع سما
أو .. ف قلب البحار .. !!
سيف العدالة ناجز ..
والشعب .. مش عاجز
بركان .. ثائر ...
بالحمم والنار
مليان .. ثوار .. !!
بركان .. غضب
أوشك ..
ع الإنفجار .. !!
والوطن .. زلزال ..
يهد .. الجبال
بإذن الله .. قادر
يمحيكم ..
من تحت .. رجليكم
ياعصبة الفجار
والزمن ..
الزمن ... دوااااار .. !!