اسجد تنول ******* للشاعر / أحمد ابراهيم ********* اسجد تنول حبة نبيذ حبة أمان حبة فتات اسجد وزيد وارقص كمان واعبد شيطان وارفع ايدين متلوثين دم الغزال مرسوم كفوف فوق الحيطان وع البيبان والليل سخيف من غير أذان حتي العيال متجمعين خلف البيبان والخوف هلاك الموت بيخطف كل شئ كل البيوت متشرخين فيها الشقوق ثعبان كبير بين الشقوق صرخة ضرير محتاج يعدي للأمان محتاج رغيف بس المكان محتاج لنور والليل طويل والخوف يسود كل البنات ومدمعين واهات شيوخ وسط الطريق اسجد تنول حبة أمان بس الزمان واقف بيكتب ع الحيطان كل شئ كاتب علي كل البيبان مين اللي قاتل واللي خان مين البريئ مين المدان كل الحروف محفورين علي كل صخرة في الكتاب علي كل درب وكل فرع وكل جزع وكل باب مين اللي ساجد بالطقوس حبة فلوس متلوثين حبة رتوش والفجر لسه فى نوم عميق أمتي الأذان والصوت كسير خلف البيبان دم الغزال ع الحيطان أحمر شديد والعيال بتمد ايدها للسحاب تجمع نجوم رعد وغيوم كاسي البيوت حتي النهار واقف بايد متقيدين ملعووووووون ياليل واسجد تنول **************** بقلم الشاعر/ أحمد إبراهيم