نظرة عين .. !! نظرة عين .. وكت بحسبها .. هتعدى بسلام !! اتاريها .. معلقانى .. وخدانى مدوبانى برموشها الكحيلة شجرة وضليلة زرعت ف قلبى .. إبتسامة آخر قيامة وحرفين كلام زغاليل حمام بتهدل مواويل للحب ودقتين قلب .. زايدين مزروعين بستان .. حنين نظرة عين ولولا الملامة لاعمل هليلة الم فيها .. كل الجيرة والعيلة احكى قصتى واغنى لوعتى على نايى الحزين دمعتى اللى .. سافرت .. ع الخدود من غير حدود مشاوير .. وراها حكايات آهاااات .. بترفرف بجناح .. مكسور .. جوا الننى ... وغصب عنى .. سرقت منى قلبى .. المفطور على طبق بنور .. كان نفسه يتهنى .. يومين .. لكن .. قدر ومكتوب .. نظرة عين .. وكت بحسبها .. منايا ... ادوب فيها .. أسايا إن فيها .. هوايا ودوايا نظرة تشفى .. م الأنين !! ترجع معايا عمرى اللى ضاع من غير وداع واودع معاها .. عذاب السنين نظرة .. خدتنى .. توهتنى وما عدت .. عارف .. احود شمال ولا احود يمين ولا أقول يامين نظرة عين ... وانا اللى فاكر .. انى كت شاطر هقدر .. اهرب منها بسلام لكن .. طب قلبى ساكت .. وراح .. ف الغرام يوم .. ويومين قلت مسيره .. يوم يفوق ويرجع لكن .. حب يطمع فاتت سنة .. وسنتين اتاريه غرقان .. ف نهر الحنين .. ودا .. كله كان ... نظرة عين .. وعد .. ومكتوب ع الجبين نحب .. ونغرق ... لكن .. نقول ... يااااااا ... مين ؟؟!!