إرفع رايات الحزن واتحسر عاللي عشان بلده سال دمه ضحا بروحه حتي مااستخسر ربي يصبر عالفراق أمه خدم الوطن ولا عمره يوم قصر كان هم بلده هو من همه لا استني لحظه واحده يتقدر طلب الشهاده وغيرها ماهمه ================= صعبان عليا البلد واللي حصل فيها رابطين أيدين ابنها ويقولو إبنيها ساريقين كمان حقها ويقولو كفيها شياطين ومن فجرها جايبه الغلط فينا شياطين بصوره بشر الغل عاميها صبحو علينا خطر والكره ماليها علشان قلوبهم حجر قالو نخطيها من إمتي كلب وعبر إلا ومات فيها ============== عيني علي ابن البلد شال الوطن جواه في حماها شاف المدد شاف اللي يتمناه بحدودها ياما اتسند يتعب يقول الله ضحي عشانها الولد ولا تفرق روحه معاه أصل الوطن فينا ووطنا فينا حياه مسنود أكيد بينا ولينا يبقي نجاه لو حد يأذينا ولا عمر نستناه هيكون وبإيدينا مذلول وحق الله ====•••==== أحمد طلبه