(((رسالة محمد الدره))) العالم ثار جوه وبره على دم شهيد اسمه الدره كان حلم كفيف للمستقبل قتلوه اعداء أمس وبكره الصوره مافارقتش خيالى ولا كان يخطر يوم على بالى ألقى الأطفال أهداف حيه لجنود شايلين مدفع آلى شايف عجز وقلة حيلة ويهودى جبان إيده طويلة ماقدرش يفرق بين جندى أو طفل بريئ مالهوش حيلة دمك يا محمد غرقنا...... بركان ح يثور ويفوقنا..... ورصاص الغدر اللى اغتالك مش ممكن يوم ح يفرقنا تارك يامحمد ف إدينا..... روحك ياشهيد من حوالينا لو ننسى ف يوم اللى حصلك راح تصرخ وتنادى علينا.... قوموا يا إخوانى خدوا ب تارى حرروا قدسى ح تبرد نارى... خلى رايتكم دايماً عالية... واحفروا قبرى قدام دارى لو نزلت يوم دمعة أمى.. وف حجر أبويا نشف دمى لو كل العالم نسيونى..... افتكرونى ياولاد عمى... انا مت وسيبتلكوا أمانة وجواب ف هدومى الغرقانة وبدمى كتبت لكوا وصية ماتعيشوا ف ذل ولا مهانة د/ نشأت عادل