(وا معتصماه). ١٦/نوفمبر/٢٠١٩
****************************************
يا غزة ليه الغدر ... نايبك
والخزى مالى الكون وصايبك
والقهر جوه قلوب ولادك
زايد وزايده معاه مصايبك
ليه الكلاب متنمرين
وصبحوا ليه مستأسدين
خلينا للأنجاس دى قيمه
ما تصحوا ياللى ميتين
إيه ذنب طفل ما زال وليد
أو حتى طفل أبوه شهيد
أو طفلة محروق جلدها
وفعل العرب فعل العبيد
إيه ذنب أم إتشحتفت
على بنت ليها إتكشَّفت
فين الكرامه يا عرب
ولا دى لأخرى اتبددت
وا معتصماه
وا معتصماه
وا معتصماه
قالتها بنت معاها آااااااه
قام نادى ع الأحرار تعالوا
وقام بجيش جرار وراه
الدم هان والغدر بان
وده عشان حفنة فلوس
وأنتوا يا حكامنا أعلموا
إن التمن ده للجلوس
على الكراسى فابرتعوا
وخلو الكلاب كمان تدوس
وأعرفوا.. رعب الولاد
دم العباد
بيع البلاد
هو الغموس
*****************************************
المصرى العربى الحر
الشاعر محمد الشاذلى
ليست هناك تعليقات:
إرسال تعليق