الحلقة ( السابعة ) من المسحراتي من ديوان / ولسه الفؤاد عطشان للشاعر مصطفى فريد (. ٧. ) تتر ٠٠٠ مسحراتى داير أنادى فى كل وادى اقول ياهادى أحرس ولادى وانصر بلادى على الاعادى والطماعين نبضى فى قلبى بيدق طبلى زى اللى قابلى جادل فى حبلى بحرى وقبلى نجوم بتضوى بهجة وحنين نقلة ٠٠ آثارنا طالعة. أهرام وقلعة فى كتاب مطالعة. بالحب جامعة تلت الحضارة. للدنيا شمعة نورها يقين الشمس طالعة. والخضرة مرعى. والدنيا سامعة. صوت الفراعنه. بين المعابد. إلاهنا واحد ياموحدين الألف مدنه. عنوان بلدنا. بإيدين ولادنا. عليت رايتنا وتاريخ شايلنا. فوق العلالى. من جيل لجيل. فيناله ٠٠ بانادى دايما الله ربى وهادى قلبى فى كل وقت وكل حين ادعى لربك يغفر لذنبك ويخف جرحك ويعم فرحك وتروق ملامحك ويمد لينا شهره الكريم