الثلاثاء، 28 مايو 2019
الحلقة ( الثالثة والعشرون ) من المسحراتي من ديوان / ولسه الفؤاد عطشان للشاعر مصطفى فريد (. ٢٣ ) تتر ٠٠٠ مسحراتى داير أنادى فى كل وادى اقول ياهادى أحرس ولادى وانصر بلادى على الاعادى والطماعين نبضى فى قلبى بيدق طبلى زى اللى قابلى جادل فى حبلى بحرى وقبلى نجوم بتضوى بهجة وحنين نقلة ٠٠٠ كلمه خدوها نصيحة. من نفس تايبه جريحة. الدنيا فتنه صريحة. ملفوفة بالسوليفان. زخرفها يبهرنا. واحلامها تسكرنا. سنين تغافلنا. تسرقنا بالنسيان. نغرق فى قسوتها. تخطفنا ضحكتها. نطلب محبتها. الغدر وجهه يبان. فيناله ٠٠ بانادى دايما الله ربى وهادى قلبى فى كل وقت وكل حين ادعى لربك يغفر لذنبك ويخف جرحك ويعم فرحك وتروق ملامحك ويمد لينا شهره الكريم
الاشتراك في:
تعليقات الرسالة (Atom)
ليست هناك تعليقات:
إرسال تعليق