الحلقة ( التاسعة عشر ) من المسحراتي من ديوان / ولسه الفؤاد عطشان للشاعر مصطفى فريد (. ١٩ ) تتر ٠٠٠ مسحراتى داير أنادى فى كل وادى اقول ياهادى أحرس ولادى وانصر بلادى على الاعادى والطماعين نبضى فى قلبى بيدق طبلى زى اللى قابلى جادل فى حبلى بحرى وقبلى نجوم بتضوى بهجة وحنين نقلة ٠٠٠ فى نفس الميعاد. وقت الحصاد. قاموا الولاد. بجرأة وعناد. قالوا بثبات. عبورنا المراد. للنصر والفتح المبين. عبروا الرجال. باسوا الرمال. والكل قال. الله أكبر. يحمى إللى سطر. وبإيده فجر. بالميه خط المغرورين. افرح يامصرى. نصرك دا حصرى. مديت لى جسرى. للغالية سينا. درة عنينا. رجعت تغنى. وعاد لى بصرى. بفضل ناسها المخلصين. فيناله ٠٠ بانادى دايما الله ربى وهادى قلبى فى كل وقت وكل حين ادعى لربك يغفر لذنبك ويخف جرحك ويعم فرحك وتروق ملامحك ويمد لينا شهره الكريم