اسقينى نور سيدى من ديوان/ ولسه الفؤاد عطشان للشاعر / مصطفى فريد جوه المساجد بشر أطياف على ألوان صفوف ملايكة هنا بتصلى للرحمن ما بين ايدين ربنا خلف الإمام بأمان عايشيين بذكر الله وبيرفعوه بآدان هلت روايح محمد ع الكون كما البستان هو الشفيع المقرب هو النبى العدنان رتل ياشيخ مسجدى إغسلنى بالقرآن اسقينى نور سيدى لسه الفؤاد عطشان علمنى اطهر حياتى وآهاتى من البهتان إغسل خطايا وذنوبى علمنى أكون إنسان أغلب بكل الإرادة وساوس الشيطان ولا يبقى له ولايه عليا ولا سلطان واسيب طريق الغواية والشر والعصيان علمنى فى حضرتك ازاى اصوم رمضان وصيامى يبقى صحيح ما يفسدوش بطلان وإن يوم أسأت الأدب أدبنى بالقران وازاى حدود ربنا مايخطهاش غلطان علمنى اعلم ولادى البر والإحسان ويقيموا فرض الصلاه ويرتلوا القرأن