بعنوان: كرسي الإعدام فين السلام يا هل السلام شكون روع العالم شكون سجن فرگ الحمام؟؟ العالم زين الحروف مول لكلام الصافي مضا لقلام حزم لقوافي كان الجواب كافي حملت السماء بالغيام الدنيا طاح عليها الظلام... شاف شوفي ف المنام العلم حافي لقدام گالس على كرسي الاعدام من قلبي ليه حبي واشواقي الدوام للحي الباقي الحق عند الدايم يخلص المظلوم من الظالم... يا العالم الباطل هايم معروف بالعمامة والسلهام مايفرق بين لحلال والحرام علاش التخمام بالبكا عما الشوف النار شاعلة ف الجوف الظلم ف بحورو عوام.... يا بنادم شد اللجام كمم اللسان بهوت البهتان راه سارق الميزان ناقص م الصروف السر مكشوف لاتلوم ليام لوم طابلت لحكام:!!! 21/5/2019 بقلم محمد البراقي الحسناوي