متقولش قطر الغرام
،،،،،،،،،،،،،،،،،،،،،،،،،،،،،،
قطر الـغرام دا كـان زمـان
قطر النهارده خلاص فجر
قلبه إللى كان معبـر امان
معرفش ليه اصبح حجر
ماشى فى امان وصل المكان
وسط الزحام فجأه انفجر
انت إللى طول عمرك امين
مين علمك غدر البشر
حتى انت داعش جنـدوك
علموك تلبس حزام وتنتحر
الرحمه فين عـشرة سـنين
تبيع ضميرك فى لمح البصر
طاب كنت هدى بلاش جنون
إنسان بريئ زى القمر
معقول ثمن حياته تذكـره
عـشان فـقير يـروح هـدر
كمسرى على منصة القضاء
حــكـمه بالاعــدام صـدر
مستحيل يكون إنسان
لا عنده قـلب ولا نـظر
حرمته ليه حق الحياه
هان عليك قلب أمه إللى انفطر
مستحيل تكون إنسان
مستحيل تكون بشر
لن تنجوا من العقاب
موعدك غدا فى سقر
اما انت ايها الشهيد هنيئا
لك الفردوس عند مليك مقتدر
أماه صبرا لا تجزعى
واعلمى أماه إنه القدر
واعلمى أماه إنه القدر
،،،،،،،،،،،،،،،،،،،،،،،،،،،،
كلماتى
مهندس/حسن سعد السيد
فى رثاء شهيد التذكره
رحمه ألله وأسكنه فسيح جناته
ليست هناك تعليقات:
إرسال تعليق