(((مات الضمير)))
مات الضمير...
وآدى اليهود إتحَكِّمُوا....
وداسوا ب جزمهم
ع الصُغَيَّر والكبير
إية اللى يفضل منِنَا
بعد مايموت الضمير
إية ن جنى غير ذُل وندم
إية ن جنى غير حَسْرَة وعَدَمْ
إية بعد ما انداس دَمِّنا
فوق أرضنا....................
ب الدبابات..او ب الجِزَم
هو المصير نفس المصير
إية اللى يفْضَل مننا
بعد مايموت الضمير
إية راح نقول ل ولادنا
لما ح يسألونا كنتوا فين
لمَّا اليهود سرقم بلادنا
وكُنَّا يومها موجودين
ح نرُد ونقول كنَّا فين؟!!!
كنا ب نشجب..ولا نرفض
ولا كنا ع الجهاد ناويين
ولكن للأسف..
يوميها كنا مشغولين
مش مكسوفين..........
لمَّا آيات ست البنات
شالت حياتها ب كفَّها....
واتزَيِّنِت للموت
ومشيِّت من سُكات...
طالبة شهادة ربَّها.....
وب دمَّها كتبت آيات...
أرّوَع آيات العِزَّة للى ف سنها
أخدت ب تارها لكل إخوانها
ف رام الله وف جنين.........
مش مكسوفين..............
ب تغنوا لسة للسلام
طب إية بديلكم للسلام
من بعد ما دبح اليهود
ف بلادنا أسراب الحَمَام
من بعد ماقطعوا ب إيديهم
كل أغصان الزيتون.......
من بعد ما أسروا ولادنا
وعذبوهم ف السجون.....
حتى الكنايس والجوامع
والمدارس والمصانع.....
دمروها وفجروها وبدلوها
بالحطام..
ب تغنوا لسة للسلام
ان كنتوا عاوزين السلام
من تحت جنازير دباباتهم
لِمُّوا أشلاء السلام..........
لِفُّوا الكرامة ف الكفن
وإدوها جثة ل ليهود
بس من غير الكرامة
إية يكون معنى الوجود
وازاى ح نتحمِّل ف يوم
لوم الضمير..................
إية إللى يفضل مننا.......
بعد مايموت الضمير
د/ نشأت عادل
شكرا للنشر والتوثيق
ردحذف