ما لقيت مثل الوطن دار :::
قصيدة بالعامية...
صباح الخير يا حبيب
تركت عشك أبحث عن غريب
وما لقيت لي سند لا غريب ولا قريب
قلت أبحث عن القمر ساعات السهر
يمكن يكون أحن وأكثر حب من البشر
طلع القمر مثل الغريب ومثل البشر
حزن قلبي وبكت عيوني وقلت لنفسي
ارجع يا عز لدارك بلا ينقَل مقدارك
ما إلك نصيب في البعد والسفر
ولا إلك في البعد صديق ولا حتى حبيب
قلت لعقل بالي … شو اللي جرالي
وين الخلان ما عادوا زي زمان
يسألوا عن أخباري وعن حالي
قلت لحالي خليني ألف وادور كمان و كمان
يمكن ألاقي بين السما والأرض حدا من الخلان
والله منهم ما لقيت غير الهم والغم والخذلان
ولسان حالهم يبرر كذبهم وتقصيرهم بالنسيان
جلست عند ناصية الذكريات أفكر
شو اللي صاير في هذا الزمان
أتاني طيف حبيبي والدموع بعيونه وقال لي
أرجع يا عز لدارك..
دار العز فيها الحب والحنان
وسيبك من الغربة ومن السفر و الهجرة كمان
عود يا عز لحضن الدار والأهل والجار
قلت لنفسي والله لفيت ودرت
أبحث عن حبيب آخر وعن دار
والله ما لقيت في الغربة بيت ولا لقيت دار
فقررت العودة لحضن الحبيب ودفء الدار
لأني ما لقيت في الغربة بيت
مثل الوطن والدار
د. عز الدين حسين أبو صفية،،،
ليست هناك تعليقات:
إرسال تعليق