اصرخ يا بورمي ( قلمي و قلبي والمي معك أخواتي مسلمي الروهنجا وحسبنا الله ونعم الوكيل )
**********
للشاعر أحمد إبراهيم
*********
اصرخ يا بورمي
اصرخ و أقول انتوا فين
أمة عرب والأصل
قالوا مسلمين
اصرخ كمان ابكي كمان
ملعونه يا كل البيبيان متقفلين
والحق ساكن بالسواد
فوق عيون متغميين
اصرخ يا بورمي
اصرخ و اقول الحق فين
ده الحق مات
والظلم ساكن في القلوب
اصرخ كمان واعلي بأذان
ده الحق مييت من زمان
والموت حصاد الموت بيحصد
كل نبته م العيدان
الموت بيحصد كل شئ
والفجر خايف م الرجوع والكل خان
حبة خشوع متفرقين
مليار ونص و القلوب متقيدين
اصرخ يا بورمي
اصرخ واقول انتوا فين
أو احنا مين
حبة قطيع مالناش كرامه مزلولين
وسط الصحاري تعبانين
تايهين في غربة فجرنا
بالخمور سكرنين
والخشوع مالهوش وجود
حتي السجود
مبقاش خلاص بيهمنا
مات الضمير أمه ضريرة
محني فيها ظهرها
مكسورة في وسط الأمم
كل الكلاب نهشين
في توبها ولحمها
أمة زليله واستباحوا عرضها
اصرخ يا بورمي
واشكي منها لربها
اشكي منها لربها
اشكي منها لربها
متقولش تاني انتوا فين
ارفع ايديك بس قول
حسبنا الله العظيم
هو وحده المنتقم
هو وحده الوكيل
*****************
بقلم الشاعر / أحمد إبراهيم