إخترت أحبك ولا أحبش غيرك تانيين
إخترت أحدد همساتى من بين ملايين
إحترت أكدب إحساسي وأصدق مين ؟
خلينا نعيش رغم ظروفنا زى العايشين
أهى كلها عيشة وخلاص وأدينا راضيين
كدب دموعى إللى كانت دليل خضوعى
إسأل صحابك إللى كانوا عنوان شروعى
إنى أفكر فى المعانى إللى خلتنى طبيعى
أكرهك ولا أحب سيرتك وأنجرف لبحور دموعى
ده إنت إللى دبلت زهور بستان ربيعى
إيه دليلك إنى سايب لك جرح نافذ
صحيح صحيت ...؟
ولا ظنى أبدا ..!
دى لبانتك إللى بتحنن فؤادى والمنافذ
ولإنى حافظ ... خللى خداعك ينفعك
يمكن تفيدك المواعظ أو حتى جايز
تجرحك بيا الليالى ...
وأكون ساعتها أحلى الجوايز
إن كنت عايز ........
مش ح أفيدك
لو ظنيت فى يوم إنى أفيدك
طول ما قلبى مش مسامح
ح أفضل أقلب فى الجوارح
من غير سماح .. ما هو كله راح
فين المحبة والإنشراح
وعشان كدة ..!
إبعد بقى
وسيبنى أعيش
من غير أمل فى الرجوع
مش ح أنسى أبدا
إن إنت السبب فى الدموع
...... ولا فى الجراح
وما فيش سماح
*•••••*•••••*•••••*•••••؛*
طريق المطار فى 1/12/2019
سيبني أعيش
كلماتى : هشام على
*•••••*•••••*•••••*•••••*
ليست هناك تعليقات:
إرسال تعليق