أزعجني وأقلقني جدا انتحار شاب متفوق علميا من أعلى البرج فشاركني قلمي هذا الإزعاج وذلك القلق
-------------------------------------
#من_ديوان_الحناوي
بشعر العامية المصرية .
( الشباب اليأس ماليه )
انتحار .. انتحار .. انتحار *
انكسار .. انكسار .. انكسار *
انفجار .. انفجار .. انفجار *
انتحار في عز النهار **
انكسار جايب مرار **
انفجار م الغضب دار *
والحزن ف عيون الصغار *
**** **** **** **** ****
هانت عليك نفسك يا ابن الهندسه ليه *
من فوق برج رميتها يا ترى السبب إيه *
نفسك هانت أذيتها بتخسر دنيتك ليه **
زهقان شويه وماله الصبر فايدته إيه *
طعم الحياه مش حلو نور الأمل يحييه *
مستقبل عظيم جاي ضيعته منك ليه **
صعبان عليا الجدع فرط في روحه ليه *
يا تري مين السبب أستاذه عمل فيه إيه *
عيدوا النظر في المعامله الكبت زاد ليه **
مشكله حصلت لكن الحل مش في إيديه *
الحل في ايدين ساده متغطرسه على إيه *
علشان ورقة شهاده شوفتوا وصلتوه لإيه **
صورة فظيعة تحرك مشاعري وكل كياني *
من فوق برج الشاب يجري يقول آه ياني *
ما حدش يحوشني سيبوني كفايه نار حرماني **
تعبت والدنيا اسودت قدامي من كتر احزاني *
خساره على كل لحظه فيها الأمل ينساني *
كلام الشاب دا بيوجع إبكي عليه يا زماني *
على شاب زي الورد ماتت ف حضنه أماني *
صابه الجحود والصد م القهر كان بيعاني *
من ظلم كان حواليه من حد شكله أناني *
من اضطهاد البيه عايش في كوكب تاني **
حاجه غريبه بتحصل تحتاج طبيب نفساتي *
شاب دراسته أجمل م الظلم عاش بيعاني *
ضحي بنفسه واحنا بنسخر من بعض تاني *
إهمال وصمت مريب بيقتل فينا الأماني **
انتحار ولا انكسار ولا قلب جواه نار *
احتقار ولا احتضار ولا حالة انهيار *
الصبر طال مش مهم خدت ليه أصعب قرار *
تصرفك صرخه وجرس تحذير لصاحب قرار **
الروح غاليه وكلنا لازم نحافظ عليها *
مهما ساء حظنا لازم كمان نحميها *
أزمه تعدي وكلنا بأي شئ نفاديها **
الشباب عايز إيدين حنينه تطبطب عليه *
طالب علم نشجعه ما نضغطش أبدا عليه *
نحل مشاكله نسمعه كلمه جميله ترضيه *
إلحقوهم دول أملنا والأمل لازم نراعيه *
لطفك يارب بينا دا الشباب اليأس ماليه **
**** **** **** ****
ليست هناك تعليقات:
إرسال تعليق