الشقا(ء) نعمه يا بني طاحت الضلمه اترفع الحجاب وبكات الحلمه ف حجر الاحباب حزنت البسمة تلف الحساب ف المعنى حكمه وحروف ف كتاب كلمه ب كلمه كملت النصاب يامول الهمه الزغب شاب وف راس الامه دار محراب هم وغمه وجماعة دياب منعوا اللمه وحرموا النگاب هادي حمى بلاها ف الباب العين تعمى والزمان خياب يمزگ القسمه ف بطن القراب الشقا (ء) نعمه تسكت الناب والجوع نقمة تفتن المصاب وتكدب المسلمه مور الباب شنشنت الشحمه ويدامها داب حرارت الضغمه لا تگول مكتاب شي مات ف الما(ء) وشي خطفه الاضراب شي ضرب من السما(ء) وشي ف الارض غاب اللي هجر ماسما وكفنه غراب عاش حتى اترمى ما كسب ما جاب تبدلت عليه النغمه ف خيوط الرباب شطحته اللگمه ف محافل الاعراب وكان اعمى ف ضلمه ما قشع ف ضباب بقلم ادريس جبيلو المغرب