قصائد قصيره ( 23) *** بقلم السيدابوطاحون ******** ضحك السحاب نزل المطر وف حضنه خد كل الشجر الورد داب غسل قلوب العاشقين بعد الغياب ********* ويصحى صباحك يهز القلوب ويدخل مساكي في حبك ادوب ********* ويصحي الورد ويغني في ايد الحلوه يوصلني تبان الفرحه ف عنيها ويحضن فنها فني ********* حضنك يساع الجبل ويهدي نيرانه يا حلوه انت الامل مين هد جدرانه ********* حمام ينام ع السماح هديل يقول المباح جمال في حضن البراح غنى المسا والصباح ********* و وردك غير ورود الناس بيسلم ويتكلم ويتألم وبيعلم جمال حساس نزل قلبي على قلبك على وردك وشم وباس ********* مين زعلك يا جميل ؟ البحر يغرق لكن انت تزعل مستحيل ********* ومن الشفايف قبل يتحلى بيها العسل وعيونها من سحرها تهز قلب الجبل ********* وحشاني طلة عيونك امتي يا قلبي اللقا اسمع حنينك واشوفك وانسى سنين الشقا ********* حلوه فاتنه ومفتونه اما عيونك حكايه قلبك في قلبي يازينه والحكم عند المرايه ********* لما تغيبي عليه يا ام العيون الكحيله قلبي يكلم عنيه ويقول نستنا الجميله ********* قابليني عند الحديقه أشوف عيونك دقيقه وابوس ايديكي الرقيقه واسبح في بحر الحقيقه ********* لسه الجميل خجلان وأنا في العيون هيمان خلخال وبكره يبان ويدوس على الاحزان ********* لا غي قلبي يا ملهمه الايادي الناعمه والعيون المغرمه هي أعلى الاوسمه ********* الجمال من بين ايديكي يرسم الورده النديه والأمل اللي ف عنيكي عارف الخطوه اللي جيه ********* شايفه مطر الشعر نازل من مرورك جنب قلبي والحمام عمال يهادل أصله مش قادر يخبي ********* أنت عملت ف قلبي ايه طب نسيته الدنيا ليه آه يا نبض ف قلب قلبي وأنا مش قادر عليه ********* #قصائد قصيره(23) #السيدابوطاحون #الأخنوم