الى اللقاء يا موطنى ـــــــــــــــــــــــــــ وطـن الهنا ... وطنــى أنا مـشتاق إليك ... مــن كام سنة ســامع نداك ... روحى فداك قـلبى معاك ... وأنا هِـنا يوم عودتى ... من غربتى يوم المنى ـــــــــــــــــــــــــــ وطن السـلام ... مليون سلام للمسجد الأقصى الحبيب ... ولكل أسراب الحمام ولكل أغصان الزتون ... ولكل عشاق السلام مـــشوار جـهـادى ... ربّيت عليه ولدى وتراب بلادى ... مرْوى بْدماء جِدّى وعشان كدا على طول بركان سلاحى يقول إن كان عدوّى خد فى يوم جوْلة لابد لفلسطين .. تكون دوْلة بِيَدِى أنا ... لِغَدِى أنا ويوميها يحلالى ... الغُنا يـــوم عـودتى ... من غـربتى يـوم الـمـنى ـــــــــــــــــــــــــــــ وطن السلام .... مهد المسيح لبّيك يا وطنـــــــــــــــى الجريح أحلف بصا برا وبشتيلا ودير ياسين وبكل آلاف الضحايا واليتامى اللاجئين حرّيتى ليها ميعاد مثبوت وقضيّتى ثورة حياه أو موت والكُل إيده ع الزناد مستنظر مستنِيين يوم الجهاد الأكبر يوم الفداء .. رد اعتبار الكبرياء مليون سلام يا موطنى وإلى اللقاء إنت وانــــــــــــــــــــــــــــــا يوم عودتى ... من غربتى يوم المنــــــــــــــــى ـــــــــــــــــــــــــــــــــــ شعر / احمد محمود الشاذلي تحياتى .. وشكراً