حرب الثوّار
يلا زيدو يا ثوار
على شعاراتكن هالشعار
من حاسبوهن عالتقصير
لهدّي شوي يا دولار
من كلّن يعني كلّن
لارحمونا من غلا الأسعار
كل يوم عنا حكاية
بهالبلد ال عم بينهار
علينا كلنا يلي ثرنا
مش كلن ولا واحد منن
كل ما فتحنا تمنا شوي
بياخدو كم واحد مشوار
للتأديب والاعتذار
مش تيحكو بالحوار
وكل يوم واحد منن
بقلك متلك أنا محتار
حطو بإيدي إيدكن
عالبلد عامل بغار
ومطاليبي مطاليبكن
وانا معكن يا ثوّار
يعني نحن اولاد صغار
والا ما عنا أفكار
تتفكرونا مصدقينكن
وانتو الّي فرضتوا الحصار
فتحتوا الجبهة معاليكن
وحرقتو الليرة بالنار
قلتوا رح نبقى نعاديكن
موتو بأرضكن يا ثوار
طبعاً شو أثّر عليهن
كل ال عم بيصير وصار
لا جاعوا ولا تعبوا
ولا فرقت معن الأسعار
جوّع شعبك شعارك
بركي بيرضخ وبيندار
وبتسرق من جيبو لجيبك
حتى عقلو جن وطار
صرنا من النوم منهرب
حتى ما يجي لنهار
ونرجع نتابع من جديد
عالشاشة نشرة أخبار
فاطمة البلطجي
ليست هناك تعليقات:
إرسال تعليق