سراب
من احدث ديوان /
حرف علة
للشاعر / مصطفى فريد
على ضهر الحصان راحل
وسايب كل شئ ليكم
لا مال خدته ولا سلطان
ولا حتى لقب اسمى
خلاص رسمى
بقيت مرحوم
غنا نبضى ماعاد مفهوم
ومتقدر ٠٠٠٠٠٠٠
يكون القلب متحجر
يكون بصرى مالوش عازه
عديم الشوووووف
بيبحث عنى فى التوهة
اللى لفانى
مابين خط الضلام والنور
وضوء قمرى اللى صار مقبور
لكن شايف لنفسى بصيص
ومش خذيان من الماضى
وحرفى تحت انقاضى
كتبته بحرف نورانى
منور قبرى قدامى
شوفته جوه أحلامى
عايش جوه وجدانى
وأمانه ياللى شايلنى
ياسامعين الندا منى
واصلكم بالرضا صوتى
وياعاشقين الردا
المعنى فى سكوتى
انا البرداااان ٠٠٠
مغطى الباقى من روحى
بتوب دبلان
وملهوف ليكوا من تانى
حصانى جابنى ونسانى
مع أحياء بتشبه لى
ساعات الدم فى عروقى
يحاول فك زيف طوقى
أعافر فيه ومن خوفى
أحس بشئ مسلسلنى
وآهه. تحط وتشيلنى
وانا العاجز عن الحركة
عن الادراااااك
كأنى سراب
ليست هناك تعليقات:
إرسال تعليق