دمع العيون
صرخ الفقيروبيقول جعان
ولا حدحاسس شكوتي
من الجوع مغلبني الزمان
ياخلق فضيت معدتي
كترت هموم ام العيال
وبتشكي دأبت هدمتي
ومنين اجيب تمن الغموس
يا اللي انتوا شايفين بلوتي
ويا ميت خساره علي الزمان
من همه ضاعت فرحتي
خلاني أبكي علي اللي فات
والدمعه تسبق خطوتي
نزلت بحور فوق الخدود
من لحمي شالت وشمتي
وكفوفي بلتها الدموع
غرقانه طفيت شمعتي
بصرخ وانوح زي العيال
ولا حد يمسح دمعتي
والكل مشغول في الحياه
وأنا توهت وحدي في سكتي
مجروح وعايش بين ناريين
والفقر ينهش جتتي
وأم العيال قعدت تنوح
علي حظي تلعن دنيتي
وتقول خلاص يابو العيال
حنبيع عزالي وفرشتي
وأقعد انوح طول الزمان
علي وشي ألطم خلقتي
ونعيش وحيده مع العيال
يمكن أصلح غلطتي
ليست هناك تعليقات:
إرسال تعليق