الأربعاء، 30 يناير 2019
رحنا عالكسوة بكير .............................. رحنا عالكسوة بكير وبصحبة زوارنا وشفنا رفوف العصافير وصبحنا عديارنا ونهر الأعوج شو بديع قعدنا وهوة قبالنا وهمسنا بأحلى الهمسات واكتبنا أشعارنا ..................... وعجسر الكبري تمشينا ومتعنا أنظارنا ولقينا العالم أفواج وشفنا كل حبابنا ولعبنا وهيصنا كتير وشو حليت أوقاتنا وتصورنا جنب المي وارتسمت بسماتنا ................... وطلعنا عالجبل شوي وحيينا راياتنا وصعدنا عالقمة فوق متل نسور بلادنا وادعينا وناجينا الرب تا تكبر أمجادنا ويبقى الوطن فخر وعز وتربى فيو اولادنا .................... وارجعنا المسا عالبيت حادثنا جاراتنا واستمتعنا بأحلى ورود وشربنا قهواتنا واعزفنا نغمات العود ونورنا شرفاتنا وطل علينا نجم سهيل مع أجمل نجماتنا ..................................... د . ملك محمود الأصفر
الاشتراك في:
تعليقات الرسالة (Atom)
ليست هناك تعليقات:
إرسال تعليق