صدقني
كتبتها باللهجة العاميه الصعيديه
قالوا الحب سعاده وهناء
وبتكمل فيه الحياه
وتعيش متهني ومرتاح البال
انا بأقول الحب كلام ماسخ
قرف ووجع وجرح مايندمل
لو داويته بمليون علاج
انا لما حبيبتك
من عيون الناس
في قلبي داريتك
كنت شرياني
اللي بيروي وريدي
وكنت قمري
اللي بتنور ليلي
وكنت شمعتي اللي
بأداري بها ظلامي
لما الريح دق الباب
جريت مع الريح
ورخيت دينيك للأشاعات
وصدقت كل اللي يتقال
صدقهم لو قالولك
اني قويه ومش بيضاء
وحنطيه ومافيا
إلا عيوني العسليه
ممزوجة بالألوان
صدقهم لو قالولك
اني عناديه ورأسي
زي الصخر صلاب
لكن لاتصدقهم
لو قالولك اني
كنت بأخدعك
وبأكذب عليك
ومع الرجاله
بالف وبأدور
ومابان عليا
الم الفراق والوجع
ولا الانهيار
عند الفراق
الضحك في
عيوني بكى
لأول مره شفت
خيالي بالبكا
انت بتعرف البنت
لما يقولها أبوها
ده ماينفعكيش واصل
تقول يابوي
كلامك أكيد
ومايدريش انه
النار في قلبي بتقيد
وماأقدرش أقول
لأبوي لا
ده يقتلني ويتاويني
والموت عندي أهون
من أنه رأس أبوي
في التراب ينداس
لكن انت فتحت
صدرك للحياه تجوزت
وعشت في ثبات ونبات
وخلفت صبيان وبنات
وانا ما حبيتش قبلك
وبعدك قفلت القلب
بالسرداب
وحرمت عليا
الحب والزواج
وكل يوم بانقتل
مليون مره بالذكريات
وغرقت في وحده
من قساوتها
تحترق فيها الجدران
بقلمي يسرا سليم شكوكاني
ليست هناك تعليقات:
إرسال تعليق