روائع الأقصى الأدبية : .. من القصص الشعـــــــــــــرى .. .. بالعامية المصريـــــــــــــــــــة .. .. المجموعة القصصية الرابعة .. ........... ( حياة x مـــــــــــــــوت ( ..! عيون .. بعيده عن الشاطىء .. بتبص على صياد عاشق .. سمكات .. ببحر الملاغية .. عاوزه الهوى وخايفة توافق ..! فى النهر .. فى البحر المسجور .. كل الخلايق باصة لفوق . عالأرض .. أو فوق المية .. مشتاقة للبيت المعمور . حوتة .. بتستنى الصياد .. يميل بسنارته وطعمه .. علشان ما تعرف يوم شكله .. وتدوق هواه .. تعرف طعمه . عارفه إن صاحبها بخاطره .. مد إيديه ليها بحته .. من خبزة معسولة شهية .. أو خرزة موصولة فى شبكة . وعارفه أنه ساحبها لشط .. فيه الهوى من غير ميدوب .. والخلق حواليها بالمية .. وعلى هواها عايشة المكتوب . فيه خلق عايشة .. ومش عايشة .. (ونخلة) .. فى الريح بقى ريشة .. و (شنبو ) .. بقى لابس بيشة ..! فيه خلق بتصارع بكره .. تهرب .... ولكن للحفرة ..!! تفضل _ على عجزها _ صامدة .. صامدة .. قصاد بعد المحبوب .. سنيـــــــــــــــن ... بدون تفكير فى حلول .. صابرة .. على الصبر المحتوم .. ويوم فى يوم .. العمر يفـــــــــــــــــــوت..!!. حكيم .. وعاشق .. أو مجنون .. صادوا بشص الحب (النون) .. وناس كتير صادوا القرموط .. ورمــــوه .. عشان للقذرة أكول . مرجوعنا حوتة _ أوى _ أمينة .. مع نفسها ومع الأغيار.. عاشقة لصياد ع المينا .. وعارفه إيه آخر المشوار . بإرادة وعزيمة قوية .. عامت على وش المية .. لمحت على الشط الشاطر .. فهمت بفطرتها النية .. رغبتها وافقت موج نواياه .. وازنت ما بين :- الموت فى هواه .. وبين :- حياه من غير الحب . وإختارت .. إختارت الأولى لتحياة .. أختارت الشط للنجاة .. بخيط رفيييييييييع واصل شصه .. ملوش بديل .. غير موت بحياة .. فى بحر .. ميؤوس من عشقه .. ..!! * * * * * كلمـات / محمـد عليــش متـولى .. المجموعة القصصية الرابعة .. الإيداع القانونى / 19590-- 2010 الترقيم الدولى / 4 -I s p n / 977 - 17