//////+++ شهدة لشوف +++////// دفعاني نسمة وبغاتني ولداك لبحر ياك وصلاتني هذا صيفنا عاد من اجديد راجع لينا كهلال العيد حامل لينا الفرحة اطباق ومعزتو كبرت هاد لشواق لبحر والشط درنا ميعاد غنينا ورقصنا اسياد لبحر بنسامو كا يرحب ورمال ذهبية كاتسلب والموجة بلطف تلامس قدام الناس ومخلية البهجة سر واحساس وانا عايش في فرحنها ومشارك حلاوة بهجتها وسما زرقة شهدة لشوف حضرت النسمة ولعقل مخطوف هذا بين الموج يتخايل والجو مهدن ظريف وهايل طول الشط وانا ماحسيت خطوة خطوة وانا معييت ياك فوق ماه الدافي سابح وانا وسط الموجة سارح عدروني والوقت طايعني فهموني والصيف دافعني لبحر والموجة اديالي والرملة والشمس فخيالي كثرو لصحاب قرية ومدون ومغاربة فالقلب ومن الكون //////+++ بقلم صقر الحروف الزجال بوسبولة المحجوب +++//////