(( صرخة وطن )) مجروح الوطن ظل ينزف بدمه بسچينة غريب نذبح من نحره الوطن يصرخ لچن مو من وجع سچين التوجع حيل اهله الداسو بصدره عذرا ياوطن خل احچي عاالمكشوف بلسان العروبه وغيرة العتره الغايه مو قصيده وقافيه واوزان ولا شاعر يريد يلون بشعره لچن يصرخ وطنه وصوته مامسموع يعني بلا حياة الساسه بس كثره اصرخ ياوطن صحي البراسه زود وخل تهتز شوارب ولو بس شعره خل تصحى لأن مو ماي دم الساح من جوه الكراسي وصعد للستره الشعب منكم بريء وتشهد الأوجاع الراعي بلايه غيره سوده اله النظره وجع عدنه ( عراقي ) و ( سوري ) ماينقاس (وفلسطيني)و (يماني)و (اردني) شكبره لأن دمنه العروبه وننتفض للصاح ونهد هدة محمد نيتنه النصره اصحو ياعرب غاية عدونه الدين بسم داعش يهدمه ويعبث بقدره مسلم بالعراق يصلي خمس اوقات تكبيييييير ويذبحه الداعشي يكفره وسوري بلا رحم مثلو بي تمثيل لأن تابع محمد ذاك ابو الزهره وزرعو باليمن للفتنه نبتت شوك ظنهم تنتقم من دينه البذره وفلسطين الجريحه التنزف من سنين لضماد العروبه تصيح كل مره اصحو ياعرب مسرى النبي المقصود رادت للظمير توصل الفكره لچن نيام مامن منتفض ياحيف وصحو للفتن اعوانهم قذره جرحك ياوطن خل يحتسب لله مامن ساسه تفهم تاخذ العبره اصبر والرجا من الله نتمناه يبشر الي صبر والأمل بالبشره قريب الفتح من الله ونصر نرجاه الخاطر كل يتيم ودمعة الفقره الخاطر كل يتيم ودمعة الفقره بقلمي ووجعي الوطني