علشان تبنيها .............. بص يا ولدى هيه وصية وفكر فيها انا سايبلك حتة ارض تبرطع فيها بس اوعى فى يوم تفرط فيها او حتى تفكر يوم تبنيها سيبها ياولدى بور وانساها ها ييجى عليك يوم تلقاها ملعب كورة من غير سور او غرزة كبيرة فيها الشيشة تلف تدور او صالة رقص لاهل الحتة عليها زينة وفروع نور وبنات الحتة بيرقصو فيها ولما تفكر يم تبنيها ابقى استاذن من اللى ساكنها وقاعد فيها ابقى استاذن من اللعيبة دول حريفة فى لعبة عظيمة حتى كمان بتوع الشيشة اصحاب اعمال وليهم قيمة واوعاك تنسى بنات الرقص دول بشوات ونجوم سيما لو فكرت فى يوم تخالفهم هايجيبو ياولدى عاليها واطيها اما الباقى سيبك منهم دول عمال وشوية علما عقولها نبيهه اوعى تفكر تسال عنهم لو فكرت فى يوم تبنيها ولما تفكر يوم تبنيها ارحل عنها وسيبها لناسها دول هما ولادها وهما اساسها واوعى تنسى تاخد ناسك دول هما يا سى دى سبب بلاويها وسيب العلما مع العمال عقل يخطط وايد تبنيها وارحل عنها وسيبها لناسها علشان تبنيها مجدى زيادة.