تلات حكايات ... 🍂🍂🍂🍂🍂🍂🍂🍂 انا عاوز احكيلكم تلات حكايات الاولي حكاية : مولود لسه مولود ابيض ونضيف وصفاء مشهود الضحكة الصافية والحضن الدافي وجمال باين في عنين وحدود 🍂🍂🍂🍂🍂🍂🍂🍂 والثانية حكاية : ميت وهياكله الدود كان عايش يأذي في جميع الناس مش عارف انه فيه يوم موعود هيلاقي فيه طرقات لجهنم وطريق الجنة قدامه مسدود واهو مات ونفسه للدنيا يعود 🍂🍂🍂🍂🍂🍂🍂🍂 والثالثة حكاية : عايش بينهم حاسد وحقود خاين غدار ومالهش وعود فاكر في الدنيا هيكون له خلود لو فكر ثانية في آباء وجدود رحلوا عن الدنيا والكل هيرحل فاعمل ليوم هتكون أعضاءنا علينا شهود الظلم خلاص والعدل يسود 🍂🍂🍂🍂🍂🍂🍂🍂 يبقي الموضوع مش مستاهل نعادي بعضينا ويكون فينا حاقد وحسود وقريّب جدا الكون هيزول واللي حاربنا بعض عشانه ما بقاش موجود كلنا هنموت وفي قبر لوحدك وعليك مسدود وتقابل رب كريم وفي يوم مشهود 🍂🍂🍂🍂🍂🍂🍂🍂 حمدينو الشهاوي